位於西貢清水灣的皇家香港科技大學﹐建立於1986年﹐是港英政府為了推動香港科研發展而建立的大學。
在這所舉世知名的大學內﹐最為有名的學系﹐是空間物理學研究所。這座研究所﹐是英國政府在1998年撥款興建的。因為這一年﹐著名的皇家香港科技大學物理系教授吳有冬博士﹐發明了有名的「亞空間電磁波段理論」﹐簡稱「EW理論」。
「亞空間電磁波段理論」的誕生﹐證實了平行宇宙的確存在…甚至為時空旅行的問題﹐提供了答案。
當時科學界都對吳有冬博士的發現﹐而感到鼓舞…然而﹐吳有冬博士卻在此時指出﹐最先發現「SEQ微粒」的人﹐其實是他的學生…
當時只有24歲的碩士研究生--黃龍。
當時吳有冬博士說﹕「其實最初發現『SEQ微粒』﹐是我的學生黃龍。他在一次實驗之中﹐無意中發現了『SEQ微粒』﹐於是請教我。經我深入研究後﹐才發現了『SEQ微粒』是時空構成的重要因素﹐這才促成了『亞空間電磁波段理論』的誕生。」
自此之後﹐黃龍便成了科學界的一股新星。他﹐亦成為歷史上最年輕的物理學博士。
今天﹐在皇家香港科技大學空間物理學研究所的演講廳內﹐這位最年輕的物理學博士﹐又再發表他的另一重大科學發現。
「美國普林斯頓大學的休·艾弗雷特三世曾經講過﹕假如所有孤立系統嘅演化都遵循薛丁格方程式，波函數就唔會崩塌，而量子嘅測量就只能夠得到一種結果，亦即係話，處於疊加態……問題係﹐我地點樣證實疊加態﹐係的而且確存在呢﹖答案﹐就係『亞空間電磁微粒』…」黃龍站在台上，雄辯滔滔的解說他的平行宇宙論。
「『亞空間電磁微粒』﹐簡稱『SEQ微粒』(Sub-space electric Quantum)﹐係一種近似光量子嘅物質。呢種物質﹐其實就散佈係你我周圍之中﹐整個宇宙亦都充滿住『亞空間電磁微粒』﹐我地只需要用到特制的電磁波感測器﹐就能夠探測到。」
「我地只需要做一個簡單嘅實驗﹐就能夠證明平行宇宙的存在。我地只需要係室內燃點一支香煙﹐係燃點之前﹐用感測器探測房入面嘅SEQ微粒含量﹐燃點過後再探測房入面嘅SEQ微粒含量。你就會發現﹐房入面有一半『SEQ微粒』就會產生異變﹐成為另一種狀態…」
「調轉來講﹐我地如果係燃點香煙的同時﹐有能力阻止『SEQ微粒』產生異變﹐或者改變房入面『SEQ微粒』嘅排序。我地再走出室外﹐我地就會處於另一個時空﹐一個並唔係我地原本所生活嘅世界…」
「科學界曾經假設﹐人如果能夠超光速﹐就可以進行時間旅行﹐其實呢個講法﹐並唔準確。其實所謂時間旅行﹐只不過係因為我地扭曲『SEQ微粒』嘅排序﹐而令我地去到其他唔同時間嘅宇宙。所謂時光隧道，其實只不過扭曲『SEQ微粒』嘅排序﹐而出現通往其他平行宇宙嘅蟲洞。我地只需要尋找到扭曲『SEQ微粒』嘅方法﹐以及製造出阻止『SEQ微粒』產生異變嘅儀器﹐我地就可以進行時間﹑甚至係平行宇宙嘅旅行。我地甚至可以解開人類誕生﹐乃至宇宙誕生之謎…」
黃龍蓋上講詞的同時，台下亦傳來熱烈的掌聲。
演講結束之後﹐一眾科學家在研究所的大禮堂﹐舉行酒會。
「阿龍，真係一個精彩嘅演講。」說話的人﹐叫竹國一雄﹐日本旱稻田大學機械工程學博士﹐亦是空間物理學研究所的機械技術顧問。
「竹國博士，你見笑啦。如果無你﹑茂叔同吳有冬博士嘅支持，我又點會發現『亞空間電磁波段理論』呢? 」黃龍拿著酒杯，恭敬的向竹國博士﹑茂叔及吳博士說。
「阿龍，你太謙虛啦，你有今天嘅成就，全係你嘅功勞。天才少年科學家之名，你當之無愧。」吳博士開懷的說，說得黃龍有點臉紅。
「其實﹐理論只係初步階段﹐點樣開發出空間旅行嘅儀器﹐先係最重要嘅。以後仲有好多路要行，希望大家共同惱力﹗」
「好，為空間旅行嘅成功繼續努力，乾杯!! 」空間物理研究所的副所長﹐人稱茂叔的李宗茂博士興奮地說。
三人一起舉杯，一飲而盡。
「阿龍，今晚有無約，到我屋企食飯好嗎?你師母話很耐無見你啦。」吳有冬博士問道。
「唔好啦，我應承咗鷺鷺今晚同我慶祝……死，已經五點半啦，我約咗鷺鷺七點係星輝等，我要走先啦。」
「你地一定係去“漢民”啦﹖哈哈...咁好啦，但下次唔可以再推啦。」吳有冬博士笑著口說。
「一定，我走先啦，再見。」
黃龍急步的離開會場，趕到星輝中心與鷺鷺會面。但他不知道，惡夢正在等著他……
